Во Амбасадата на Македонија во Загреб со празнична програма се одбележа Денот на македонскиот јазик. Присуствуваа ученици кои во Загреб и Загребската жупанија го изучуваат Македонскиот јазик и култура, и нивните учителки и родители. Во оваа пригода беше претставена и најновата збирка со песни ,,Дом на срце’’ на Милена Златеска од Пула.
На овој ден во 1945 година, со решение на Народната влада на Народна Република Македонија, е усвоена азбуката на македонскиот јазик како официјално писмо врз принципот еден глас – една буква.
Под слоганот „Пишувај кирилица!“ оваа година се одбележа 5. Мај – Денот на македонскиот јазик. По тој повод повеќе институции во Македонија и низ светот, организираа дебати и повеќе културни настани, а во вечерните часови на објекти во неколку градови низ Македонија имаше светлосни и видеопроекции со цитати од македонско творештво, а во организација на Министерството на култура.
