Деветотто издание на „Балкан панорама филмскиот фестивал“ се одржува во Измир од 19- ти до 25- јануари и е поддржан од турското Министерство за култура и туризам, како и од локалната самоуправа на Измир и се одржува во измирската Општина Каршијака. Во ова издание ќе бидат прикажани над 150 филмови, а селектираните филмови доаѓаат од неколку земји и тоа: Албанија, Австрија, Босна и Херцеговина, Бугарија, Хрватска, Италија,Црна Гора, Косово, Македонија, Унгарија, Молдавија, Романија, Србија,Словенија, Турција и Грција.
„ Продолжуваме да го одржуваме жив балканскиот дух преку киното“, е идејата и оваа година на фестивалот, мотото на основачот и директорот на фестивалот професорот Сали Салини.
Во главната натпреварувачка категорија за интернационали филмови се и македонските : Филмот на Иво Трајков , неговото најново остварување наречено “Piargy”, впечатливо кинематографско дело работено во црно-бела техника. Истиот веќе освои преку осумдесет меѓународни филмски награди, а критиката го опишува како исклучително дело. Македонската премиера беше во јуни минатата година, а за музиката беше задолжен Кирил Џајковски.
„Кајмак“ на Манчевски- Македонско-данско-холандско-хрватска копродукција, поддржана од Еуримаж, кој ја имаше светската премиера на фестивалот во Токио, во ноември 2022, а потоа продолжи со глобална фестивалска турнеја во Тајпеј, Португалија, Италија, САД, Холандија, Бугарија, Србија, Црна Гора, Албанија итн. „Кајмак“ беше најгледан филм во Македонија во 2022 година и е еден од најуспешните македонски филмови и со најширок пласман во светот.
За наградата „Дарио Морено “се натпреваруваат: филмот на Кристијан Ристески „Снежана на крајот умира“. Социјална драма во амбалажа на комедија на апсурд, која се занимава со тоа колку е ужасно тешко да се остане чесен и верен на своите принципи во морално корумпирана средина. Филмот е составен од 3 испреплетени приказни .
„Мими“ на Даријан Пејовски. Улогите ги толкуваат: Наталија Теодосиева, Тамара Ристоска, Оливер Митковски, Петар Мирчевски, Сашко Коцев, Владимир Петровиќ, Стефан Спасов и други. Кинематографер на филмот е Дејан Димески, сценографијата е на Игор Тошевски, костимографијата е на Емилија И. Атанасовска. Александар Пејовски е автор на оригиналната музика. Филмот е копродукција на „Скопје Филм Студио“ со Maxima film од Хрватска и Giggling goat production од Црна Гора, и истиот е направен со поддршка од Агенцијата за филм на Република Македонија, ХАВЦ – Хрватскиот аудиовизуелен центар и Филмскиот центар на Црна Гора. Беше прикажан на Синедејс, на 69. Филмски фестивал во Пула и други фестивали.
Во категоријата за кратки филмови е македонскиот филм на Гоце Трајковски „Досие иднина“. Освен тоа специјална проекција има за филмот на Јани Бојаџи „Кино љубов“, како и за „Те дуа жими мене“ на Марјан Гавриловски и „Иглата-мојата тајна градина“на Мерита Сали. Во категоријата за краток филм проекции ќе има на филмот на Лидија Мојсовска „ Само ѓаволот ја мрази водата“, „Шеќерни луѓе“ на Сузана Диневски.
Наградата „Жолт чадор“ која е симбол на овој фестивал ќе биде доделена во 11 категории, а победниците ќе бидат прогласени на затварањето на фестивалот. Филмскиот фестивал „Балкан Панорама“ служи како мост меѓу Турција и Балканот во контекст на кинематографијата. Фестивалот е основан од Универзитетот Докуз Ејлул, Факултет за ликовни уметности, Катедрата за филмска режија, проф. д-р Сали Салини во 2015 година и оттогаш се организира во Измир. Дел од македонската делегација на свеченото отварање на фестивалот беше професорот и актер Атила Клинче.
Да се потсетиме на 8- то издание на овој фестивал на македонскиот актер Мето Јовановски му беше доделено највисокото признание за Почесен гостин на фестивалот, за неговиот придонес во филмската уметност, а во чија чест беше прикажан култуниот филмот „Тетовирање“ на режисерот Столе Попов.
Во чест на македонската кинематографија на 9 -тото издание на фестивалот прустините ќе се потсетат на: „Тетовирање“, „Пред дождот“, „Големата вода“, „Војната е готова“, „Панкот не е мртов“, „Трето полувреме“, „Џган“, „Медена земја“, „Сестри“, „Незабравна пролет во заборавеното село“.
Уште неколку фотографии од свеченото отварање во продолжение:
