Во НУУБ „Св. Климент Охридски“ -Битола се одржа четвртата работилница од проектот „Креативни забавни работилници за поттикнување на читањето кај деца со попреченост“. Овој пат се прикажа претстава. Од децата за децата.
![](https://www.culturalchat.org/wp-content/uploads/2023/04/IMG_2066-1024x683.jpg)
Една бајка се пишува, се чита и може да се одигра. Оваа бајка „Песната на царевата ќерка“ ја одиграа децата од Едукативниот центар „Едусфера“ пред учениците од ДСУРО „Св. Наум Охридски“-Скопје со дисперзирана паралелка во Битола, членовите на здружението за лица со попреченост ЦПЛИП Порака, децата од едукативните центри „Малиот Принц“ и „Smart Head“, ученици од ООУ „Даме Груев“ и останати гости.
„Библиотеката е волшебно место како од бајка, каде се случуваат магични нешта, каде царува насмевката на детските лица“, истакнаа од библиотеката.
![](https://www.culturalchat.org/wp-content/uploads/2023/04/IMG_2062-1024x683.jpg)
По завршување на претставата сите заедно се дружеа, играа и пееја заедно со ликовите од претставата.
![](https://www.culturalchat.org/wp-content/uploads/2023/04/IMG_2075-1024x683.jpg)
![](https://www.culturalchat.org/wp-content/uploads/2023/04/IMG_2069-1024x683.jpg)
![](https://www.culturalchat.org/wp-content/uploads/2023/04/IMG_2071-1024x683.jpg)